नेपालमा थप १३८२ जनामा कोरोना संक्रमण पुष्टि,कुन जिल्लामा कति थपिए संक्रमित
काठमाडौं,मंसिर २३ । नेपालमा थप १३८२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८९४७ परीक्षणमा १३८२ जनामा संक्रमण पुष्टि भएको हो ।
यो सँगै नेपालमा कोरोना भाइरस संक्रमितको संख्या २ लाख ४३ हजार ३७७ पुगेको छ।
२४ घण्टामा कोरोना भाइरस संक्रमणमुक्त हुनेको संख्या १६२१ रहेको छ । हालसम्म संक्रमणमुक्त हुनेको संख्या २ लाख २९ हजार ५४ पुगेको छ । हाल सक्रिय संक्रमितको संख्या १२६८६ रहेको छ ।
कुन जिल्लामा कति थपिए संक्रमित
मन्त्रालयका अनुसार काठमाडौंमा ४१२, ललितपुरमा ११३, कास्कीमा ९७, सुनसरीमा ७५, भक्तपुर र चितवनमा ६९, कैलालीमा ६२, मोरङमा ५५, रुपन्देहीमा ५१, बाँकेमा ३६, कञ्चनपुरमा २८ र झापामा २५ जना ,नवलपरासी पूर्वमा २४, सिन्धुपाल्चोक र धादिङमा १८/१८, दाङ र पाल्पामा १५/१५, गुल्मी र बर्दियामा १४/१४, बाग्लुङमा ११, दोलखामा १०, संखुवासभा, सप्तरी र सिन्धुपाल्चोकमा ९/९, तनहुँ र बझाङमा ८/८, लमजुङ, स्याङ्जा र अछाममा ७/७, इलाम, सिराहा, मकवानपुर, गोरखा र नवलपरासीमा ६/६ जना धनुषामा ५, रामेछाप, अर्घाखाँची र डडेल्धुरामा ४/४, सोलुखुम्बु, रुकुम पश्चिम र बैतडीमा ३/३, उदयपुर, ओखलढुंगा, रौतहट, सर्लाही, रसुवा, पर्वत, सुर्खेत र बाजुरामा २/२, र धनकुटा, भोजपुर, पर्सा, नुवाकोट, कपिलवस्तु, प्युठान, रोल्पा, कालीकोट, सल्यान, हुम्ला र डोटीमा १/१ जना संक्रमित भेटिएका स्वास्थ्य तथा जनसंख्या मन्त्रालयले जनाएको छ।