नेपालमा थप ८७ जनामा कोरोना संक्रमण पुष्टि, थप ६२ जना डिस्चार्ज
काठमाडौं,फागुन १९। नेपालमा थप ८७ जनामा कोरोना संक्रमण पुष्टि भएको छ। यो सँगै कुल संक्रमितको संख्या २ लाख ७४ हजार ३ सय ८१ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये ७ सय ६६ जना सक्रिय संक्रमित छन्।
पछिल्लो २४ घण्टामा ३ हजार ३ सय ९९ जनाको पिसिआर परीक्षण गर्दा ८७ जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या २१ लाख ७३ हजार ५ सय ११ पुगेको छ।
पछिल्लो २४ घण्टामा ६२ जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ७० हजार ६ सय ५ पुगेको मन्त्रालयले जनाएको छ।
पछिल्लो २४ घण्टामा एक जना कोरोना संक्रमितको मृत्यु भएको छ। पछिल्लो २४ घण्टामै प्राप्त भएको मृत्यु संख्या भन्दै मन्त्रालयले थप २ सय ३३ जना समावेश गरेको छ। यो सँगै नेपालमा कोरोना संक्रमित मतकको संख्या ३ हजार १० पुगेको छ। हाल ५९ जना क्वारेन्टाइनमा छन्।