नेपालमा थप १ सय ७९ जनामा कोरोना संक्रमण पुष्टि,१११ जना डिस्चार्ज
काठमाडौं,चैत २०। नेपालमा थप १ सय ७९ जनामा कोरोना संक्रमण पुष्टि भएको छ। यो सँगै कुल संक्रमितको संख्या २ लाख ७७ हजार ६ सय ४० जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये १ हजार ६ सय ४७ जना सक्रिय संक्रमित छन्।
पछिल्लो २४ घण्टामा ३ हजार ५ सय ६५ जनाको पिसिआर परीक्षण गर्दा १ सय ७९ जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या २२ लाख ७९ हजार १ सय ५ पुगेको छ।
पछिल्लो २४ घण्टामा कुनै पनि कोरोना संक्रमितको मृत्यु भएको छैन। हाल ६१ जना क्वारेन्टाइनमा छन्। पछिल्लो २४ घण्टामा १ सय ११ जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ७२ हजार ९ सय ६२ जना पुगेको मन्त्रालयले जनाएको छ।