ट्याक्टरको ठक्करबाट मोटरसाइकलमा सवार दुई जनाको मृत्यु,ट्याक्टर चालक फरार
काठमाडौं,चैत ३१ । सर्लाहीमा मंगलबार दिउँसो बागमती नगरपालिका ८ गाजली चोकमा पश्चिमबाट पूर्वतर्फ जाँदै गरेको ज १ त १५७४ नम्बरको ट्याक्टरले बी आर ३० एम ३४५२ नम्बरको मोटरसाइकललाई ठक्कर दिँदा दुई जनाको मृत्यु भएको छ । ट्याक्टरले मोटरसाइकललाई ठक्कर दिएको प्रहरीले जनाएको छ।
उक्त दुर्घटनामा मोटरसाइकल चालक बरहथवा नगरपालिका वडा नम्बर १५ पिप्राभित्ताका ५० बर्षीय भिखारी साह र पछाडि सवार भारतीय नागरिक ४२ बर्षीय प्रकाश सहनीको मृत्यु भएको प्रहरीले जनाएकाे छ।
ट्याक्टरकाे ठक्करले गम्भीर घाइते भएका दुबैलाई उपचारका लागि जिल्ला अस्पताल मलगंवा लग्ने क्रममा बाटोमै मृत्यु भएको प्रहरीले जनाएकाे छ ।
ठक्कर दिने ट्याक्टरलाई नियन्त्रणमा लिइएको छ भने फरार रहेका चालकको खोजी भइरहेको प्रहरीले जनाएको छ ।