कोरोना महामारीका कारण:एसईई र कक्षा १२ को परीक्षा स्थगित गर्ने बोर्डको निर्णय
काठमाडौँ,बैशाख २७ । कोरोना महामारीका कारण राष्ट्रिय परीक्षा बोर्डले यस वर्षको एसईई र कक्षा १२ को परीक्षा स्थगित गरेको छ ।राष्ट्रिय परीक्षा बोर्डको सोमबार बसेको भर्चुअल बैठकले परीक्षा स्थगित गर्ने निर्णय गरेको हो ।त्यस्तै एसईईको जेठ १३ र कक्षा १२ को जेठ २६ गतेबाट परीक्षा लिने तालिका बोर्डले सार्वजनिक गरेको थियो ।
अबको १५ दिनभित्र बोर्डका सदस्यहरुले परीक्षा मोडल तयार गरेर बोर्डलाई बुझाउनुपर्ने र त्यही अनुसार परीक्षा मोडल सार्वजनिक गर्ने बोर्डको बैठकले निर्णय गरेको छ।
निषेधाज्ञाले परिस्थिति जटिल बन्दै गइरहेकाले परीक्षा गराउन सम्भव नभएपछि अर्को सूचना जारी नभएसम्म परीक्षा स्थगित गर्ने निर्णय बोर्डले गरेकाे छ।