विपक्षी गठबन्धनको संसदीय दलको बैठक बस्दै,यी विषयमा छलफल हुँदै
काठमाडौं,जेठ ९। विपक्षी गठबन्धनको संसदीय दलको बैठक बस्ने भएको छ । नेपाली कांग्रेस, नेकपा माओवादी केन्द्र र जनता समाजवादी पार्टीको संसदीय दलको बैठक बिहान ११ बजे सिंहदरबारस्थित संसदीय दलको कार्यालयमा बस्न लागेको हो ।
विपक्षी गठबन्धन आज संसद विघटनविरुद्ध सर्वोच्च अदालत जाँदैछ । त्यसअघि उनीहले संसदीय दलको बैठक आह्वान गरेका हुन् । सरकारको सिफारिसमा राष्ट्रपति विद्यादेवी भण्डारीले संसद विघटन गरेपछि प्रतिपक्षी सर्वोच्च जान लागेका हुन् ।
हिजो बसेको विपक्षी गठबन्धनको पाँच दलको बैठकले राजनीतिक र कानुनी लडाईं लड्ने निष्कर्ष निकालेको थियो ।