विपक्षी दलका नेताहरुको बैठक सिंहदरबारमा जारी,को को छन् सहभागी
काठमाडौं,जेठ ११। विपक्षी गठबन्धनका नेताहरु आजपनि छलफलमा जुटेका छन् । गठबन्धनको संयुक्त बैठक सिंहदरबारमा जारी छ । नेपाली कांग्रेस संसदीय दलको कार्यालयमा बैठक सुरु भएको हो।
छलफलमा कांग्रेसका सभापति शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल प्रचण्ड, नेकपा एमालेको असन्तुष्ट पक्षका नेता माधवकुमार नेपाल, जसपाका अध्यक्ष उपेन्द्र यादवसहितका नेता सहभागी रहेका छन् ।
प्रतिनिधिसभा विघटनविरुद्ध सोमबार विपक्षी गठबन्धनले सर्वोच्च अदालतमा रिट दायर गरिसकेको छ। अबको रणनीति तय गर्न नेताहरु छलफलमा जुटेका हुन् ।