काठमाडौंमा फेरि महामारीकै बीचमा भेटियो बर्डफ्लु
काठमाडौं,जेठ १२। काठमाडौंमा फेरि वर्डफ्लु भेटिएको छ । कीर्तिपुरको दुई वटा प्वाइन्ट र चन्द्रागिरीको एक ठाउँमा सोमबार बर्डफ्लु संक्रमण पुष्टि भएको हो ।
प्रारम्भिक रुपमा करिब ८ सय टर्की नष्ट गर्न र सो क्षेत्र निसंक्रमण गर्न बुधबार बिहानै देखि प्राविधिक खटिएका छन् ।
अस्वभाविक रुपमा टर्की मृत्युको सूचना पछि विभागले नमूना संकलन गरेर केन्द्रीय प्रयोगशालामा रियलटाइम पिसिआर विधिबाट गरेको परिक्षण बर्डफ्लु पुष्टि भएको हो ।
पन्छी नष्ट र निसंक्रमण विधि सकिएपछि बुधबार साँझसम्म बिष्तृत विवरण सार्वजनिक गर्ने तयारी भइरहेको पशु सेवा विभागले जनाएको छ । केही समयअघि तारकेश्वर लगायतका ठाउँमा बर्डफ्लु भेटिएको थियो ।