युवकको हत्या गर्ने मन्दिरका पुजारीसहित दुईजना पक्राउ
काठमाडौं। बाराको विश्रामपुर गाउँपालिका–१ बरैनिया टोलमा एक युवकको हत्या गरेको आरोपमा प्रहरीले दुई जनालाई पक्राउ गरेको छ ।
गत असार ३ गते बरैनिया टोलमा एक युवक मृत अवस्थामा फेला परेको थियो ।हत्या आरोपमा प्रहरीले एक जना मन्दिरका पुजारीसहित दुई जनालाई पक्राउ गरेको छ।
बाराको बिश्रामपुर गाउँपालिका–२ बरैनिया टोल निवासी बिरबहादुर यादव (दास बाबा) र फेटा गाउँपालिका–३ फुलवरिया टोल निवासी पारस महतो धानुकलाई पक्राउ गरेको बाराका प्रहरी प्रवक्ता एवं प्रहरी नायब उपरीक्षक गौतम मिश्रले जानकारी दिए।
बिश्रामपुर गाउँपालिका–२ भरवलिया बस्ने २५ वर्षीय भादो भनिने वीरेन्द्र बैठाको शव वडा नम्बर १ स्थित सडकको किनारमा फेला परेको थियो।