सिंहदरबारबाट नारायण वाग्लेसहित १७ जना नागरिक अभियन्ता पक्राउ
काठमाडौं । काठमाडौंको सिंहदरबारबाट नागरिक समाजका अगुवाहरूलाई प्रहरीले पक्राउ गरेको छ ।
स्वास्थ्य क्षेत्रमा भएको खराबीलाई तत्काल हटाउन माग गर्दै सिंहदरबारको दक्षिणीगेटमा प्रदर्शनमा उत्रिएका अभियन्ता नारायण वाग्ले, लेखक खगेन्द्र संग्रौला, प्राध्यापक डाक्टर सञ्जीव उप्रेतीसहित १७ जना पक्राउ परेका हुन्।
बिपी कोइराला स्वास्थ्य विज्ञान प्रतिष्ठानमा दलीय भागबण्डा नभई वस्तुगत मापदण्डका आधारमा पदाधिकारी नियुक्त गरिनुपर्ने उनीहरुको माग छ। पदाधिकारीले गरेको भ्रष्टाचारबारे बारम्बार समाचार आउँदा पनि कुनै छानबिन नगरी सम्बन्धित निकाय बेखबर रहेको उनीहरुको आरोप छ।