अछाममा जेसिवी दुर्घटना हुँदा १ जनाको मृत्यु , २ जना घाइते
अछाम ।अछाममा जेसिवी दुर्घटना हुँदा १ जनाको घटना स्थलमै मृत्यु भएको छ । अन्य २ जना भने घाइते भएका छन् ।
जिल्लाको मंगलसेन नगरपालिका-१४ काला गाउँ स्थित ठाटीखाँद तिर जाँदै गरेको नम्बर नखुलेको जेसिवी एक्कासि सडकबाट ६०/७० मिटर तल खस्दा जिल्लाका ढकारी गाउँपालिका-२ का राम बहादुर साउदको घटना स्थलमै मृत्युु भएको जिल्ला प्रहरी कार्यालय अछामका सूचना अधिकारी जनक बहादुर बोहराले जानकारी दिए ।
दुर्घटनामा परि सहचालक र थप एक जना सवार घाइते भएका छन् । घाइते सवार व्यक्तिको ठेगाना खुलेको छैन ।
घाइतेको जिल्ला अस्पताल उपचारका लागी मङ्गलसेनमा ल्याइएको छ । चालक भने फरार रहेका छन् । घटनाको अनुसन्धान भइरहेको छ ।