बूढानीलकण्ठमा विप्लव र कमल थापाबीच भेटेर छलफल
काठमाडौँ । नेपाल कम्युनिष्ट पार्टीका महासचिव नेत्रविक्रम चन्द विप्लवले राष्ट्रिय प्रजातन्त्र पार्टीका अध्यक्ष कमल थापासँग भेटेर छलफल गरेका छन् । शुक्रबार थापा निवास बूढानीलकण्ठमा उनीहरूबीच भेटेर समसामयीक राजनीतिक विषयमा छलफल भएको हो।
उक्त भेटवार्तामा राप्रपा अध्यक्ष थापासहित नेताहरू दीपक बोहरा बुद्धिमान तामाङ र विप्लवसहित खड्गबहादुर विश्वकर्मा प्रकाण्ड र नेता धर्मेन्द्र बाँस्तोला सहभागी थिए।
परिवर्तनकारी र परम्परागत शक्तिका बीच सामञ्जस्यता कायम गर्दै राष्ट्रियता, राष्ट्रिय स्वाधिनता र सार्वभौमिकताको पक्षमा छलफल गर्दै जाने थापा र विप्लवबीच कुराकानी भएको राप्रपा नेता मोहन श्रेष्ठले जानकारी दिए।
निवर्तमान प्रधानमन्त्री केपी शर्मा ओली सरकारसँग विप्लवले गरेका ३ बुँदे सहमति प्रधानमन्त्री शेरबहादुर देउवा नेतृत्वको अहिलेको सरकारले कार्यान्वयन गर्नुपर्ने पनि थापाले बताएका थिए।