असोज १५ देखि नेपालमा कोरोनाको तेस्रो लहर आउछः स्वास्थ्य मन्त्रालय
काठमाडाैँ । नेपालमा कोरोना भाइसरको तेस्रो लहर आउने सक्ने स्वास्थ्य तथा जनसंख्या मन्त्रालय बताएको छ । मन्त्रालयले संसदको शिक्षा तथा स्वास्थ्य समितिमा सोमबार कोभिड–१९ रोकथाम तथा नियन्त्रणका लागि नेपाल सरकारले गरेका प्रयासहरूको संक्षिप्त विवरण तथा आगामी कार्यदिशा प्रस्तुत गर्दै असोज १५ देखि संक्रमणको तेस्रो लहर आउन सक्ने जनाएको हो ।
मंसिरमा पुनः संक्रमण बढ्न सक्ने सम्भावनालाई आँकलन गरिएको समितिको बैठकमा मन्त्रालयका सहसचिव गंगा लोहनीले बताए ।साथै, भेरियन्टको स्वरुप र प्रकृति, खोपको उपलब्धता र प्रयोग, सामाजिक गतिविधि तथा जनस्वास्थ्यका आधारभूत मापदण्डहरूको पालनाको स्तरले यसलाई अगाडि वा पछाडि धकेल्नसक्ने उनले जनाए ।