माधव नेपालको पार्टीको नाम फेरियो, अब नेकपा एकीकृत समाजवादी
काठमाडौँ । नयाँ दल दर्ताका लागि प्रस्ताव गरिएको माधवकुमार नेपाल नेतृत्वको पार्टीको नाम परिवर्तन गरिने भएको छ ।
सर्वोच्चको फैसला अनुसार कुनै पार्टी दर्ता गर्दा अर्को पार्टीको नामसँग मिल्न नहुने कानुनी व्याख्या अनुसार नाम परिवर्तन गरिने भएको हो ।
नेपाल नेतृत्वको प्रस्तावित पार्टीको नाममा एमाले समावजवादी थियो । यस्तै एमाले शब्द मूल पार्टीसँग मिलेपछि निर्वाचन आयोगले अर्कै नाम ल्याउन भन्दै उक्त पार्टी दर्ता गर्न अस्वीकार गरेको थियो ।
माधवकुमार नेपाल पक्षका नेताहरुका अनुसार नयाँ पार्टीको नाम नेकपा एकीकृत ९समाजवादी० राखिएको छ । त्यस्तैगरी पार्टीको चिन्हसमेत परिवर्तन गर्ने सम्बन्धमा छलफल भइरहेको नेताहरुको भनाइ छ ।