नेपालमा थप २ हजार ४८२ जनामा कोरोना संक्रमण पुष्टि, ४४ जनाको मृत्यु
काठमाडौँ । नेपालमा थप २ हजार ४८२ जनामा कोरोना संक्रमण पुष्टि भएको छ ।
मन्त्रालयका अनुसार पछिल्लो २४ घण्टामा १५ हजार २९० परीक्षण भएकामा २ हजार ४८२ जनामा संक्रमण पुष्टि भएको छ । यस्तै १ हजार ७८१ जना निको भएका छन् ।
आज संक्रमणबाट थप ४४ जनाको मृत्यु भएको छ । योसँगै १० हजार ६१२ जनाको मृत्यु भएको छ । यस्तै काठमाडौंमा ५१५ जना सहित उपत्यकामा ७४५ जनामा संक्रमण पुष्टि भएको पनि मन्त्रालयले जनाएको छ ।
हालसम्म पीसीआर विधिबाट भएको परीक्षणमा ७ लाख ५२ हजार ८६३ जना र एन्टिजेन विधिबाट भएको परीक्षणमा ८१ हजार ५८७ जनामा कोरोना संक्रमण पुष्टि भएको छ ।