नारायणगढ-मुग्लिन सडकखण्डमा पहिरो, दुईतर्फी सडक अवरुद्ध

काठमाडौँ । आज नारायणगढ-मुग्लिन सडकखण्डमा पहिरो खस्दा सडक अवरुद्ध भएको छ । इच्छाकामना गाउँपालिका–६ पाँचकिलोमा आज बिहान करिब ७ः५० बजे पहिरो खस्दा सडक अवरुद्ध भएको हो ।

पहिराले सडक दुईतर्फी अवरुद्ध भएको जिल्ला प्रहरी कार्यालयले जनाएको छ । पहिरो खसेसँगै नारायणगढ–मुग्लिन सडकखण्ड भएर चल्ने सवारी साधन रोकिएका छन् । कार्यालयका अनुसार पानी परिरहेको र पहिरो झर्ने क्रम नरोकिएकाले पहिरो पन्छाउने काम सुरु हुनसकेको छैन ।