देउवा सरकारले दुई महिनामा गरेका यी १५ काम सार्वजनिक के-के हुन हेर्नुहोस् (सूचीसहित)
काठमाडौं। सरकार गठनको लामो समयवित्दापनि मन्त्रिमण्डल गठन गर्न नसकेको भन्दै आलोचना भइरहेका बेला सरकारले आफूले गरेका कामको सूची सार्वजनिक गरेको छ ।
सरकारलाई पूर्णता दिन नसकेको बजेट पास गर्न नकसेको लगायतका कामहरु नभएको भन्दै आलोचना भइरहेका बेला प्रधानमन्त्री शेरबहादुर देउवाको सचिवालयले सरकारले दुई महिनाको अवधिमा गरेका १५ वटा कामको सूची सार्वजनिक गरेको हो ।
पाँच दलीय गठबन्धनको समर्थनमा सरकारको नेतृत्व गरेका देउवाले ६ जनाको मन्त्रिमण्डल बनाएपनि मन्त्रिपरिषद्लाई पूर्णता दिन सकेका छैनन्।
१७ मन्त्रालयको जिम्मेवारी देउवाले आफैंसँग राखेका छन्। देश आर्थिक ‘सट डाउन’ मा पुगेको छ। बजेटसम्बन्धी तीन अध्यादेश प्रतिस्थापन विधेयक संसदमा रहेका छन् र विधेयक पारित हुने सम्भावना न्यून देखिएको छ।
यसबीचमा देउवाको सचिवालयले कोरोना महामारी नियन्त्रणलाई उच्च प्राथमिकता, योग्य र अनुभवी व्यक्तिलाई सही जिम्मेवारी दिने नीति अनुरूप विद्युत प्राधिकरणमा कुलमान घिसिङ र योजना आयोगमा विश्व पौडेलको नियुक्ति लगायतलाई महत्त्वपूर्ण उपलब्धि भन्दै सार्वजनिक गरेको छ।
खोप केन्द्रको चुस्त व्यवस्थापन र एकैदिन तीन लाखलाई खोप दिन सफलता, १८ वर्षमुनिका बालबालिकालाई दिइने ४० लाख मात्रा मोर्डना खोपको टुंगो, बाढी पहिरो र डुबान पीडितको युद्धस्तरमा उदार तथा राहत र पुनस्थापना, कोरोनाबाट प्रभावित अर्थतन्त्र पुनरुत्थानका लागि विशेष प्याकेज, कर्मचारी, शिक्षक, सेना, प्रहरी स्वास्थ्य सेवाका कर्मचारीको तलब बृद्धि, क्यान्सर, मृगौला र स्पाइनल इन्जुरीका बिरामीलाई मासिक ५ हजार भत्ता, अति विपन्न गरिब घर परिवारलाई दश हजार रुपैयाका दरले राहात, राजधानीका दश ठाउँमा सस्तोमा भोजनको व्यवस्था, विद्यार्थी लक्षित पढ्दै कमाउँदै र महिला लक्षित ुमहिला पहिलाु कार्यक्रम, भूमि आयोगको गठन, एमसीसीमा राष्ट्रिय सहमति निर्माणको पहल, प्रमुख प्रतिपक्षी दललाई विश्वासमा लिन अनौपचारिक छलफल र संवाद, त्रिचन्द्र कलेज र घण्टाघर पुनर्निर्माणको निर्णयलाई देउवाले २ महिनाभित्र गरेका १५ उपलब्धिको रुपमा प्रस्तुत गरेका छन्।