राष्ट्रिय सभाको बैठक स्थगित
काठमाडौं । राष्ट्रियसभाको बैठक सूचना टाँसेर स्थगित गरिएको छ । शुक्रबार बसेको पहिलो बैठक १० मिनेटका लागि स्थगित गरिएको थियो । तर, दोस्रो बैठक नबसी सूचना टाँसेर ११ असोज सोमबार बिहान ११ बजेसम्मका लागि स्थगित गरिएको छ ।
यसअघि शुक्रबार बसेको बैठकमा विनियोजन विधेयक २०७८ प्रमाणिकरण सम्बन्धमा राष्ट्रपति कार्यालयबाट प्राप्त पत्र वाचन गरेर सभाध्यक्ष गणेशप्रसाद तिमिल्सिनाले सुनाएका थिए ।
यसपछि आर्थिक विधेयक २०७८ र राष्ट्र ऋण उठाउने विधेयक २०७८ टेबुल गरिएपछि सभाध्यक्ष तिमिल्सिनाले शुक्रबारै बस्ने गरी १० मिनेटका लागि बैठक स्थगित गरेका थिए । तर, बैठक बस्दै नबसी सूचना टाँसेर स्थगित गरिएको हो ।