नेपालमा थप ९५३ जनामा कोरोना संक्रमण पुष्टि,थप ६ जनाको मृत्यु
काठमाडौं। नेपालमा थप ९५३ जनामा कोरोना भाइरसको संक्रमण पुष्टि भएको छ। ७ हजार ५० जनाको पीसीआर र तीन हजार ५२९ जनाको एन्टिजेन गरी १० हजार ५७९ जनामा गरिएको परीक्षण गर्दा सो संख्यामा संक्रमित थपिएका हुन् ।
स्वास्थ्य तथा जनसंख्या मन्त्रालयका अनुसार आज देशभर १९ हजार ७०० जना सक्रिय संक्रमित रहेका छन्।
यस्तै थप ६ जनाको मृत्यु भएको छ। यससँगै नेपालमा कोरोना संक्रमणबाट मृत्यु हुनेको संख्या ११ हजार ८७ पुगेको छ।
यस्तै आज थप १ हजार ३७१ जना कोरोना संक्रमित डिस्चार्ज भएका छन् । यो सँगै निको हुनेको कुल संख्या लाख ५९ हजार ८७५ पुगेको छ।