नेपालले चुनाव हराउँछु भन्नु र मच्छरले हात्ति खान्छु भन्नु उस्तै होः अध्यक्ष ओली
काठमाडौं। नेकपा एमालेका अध्यक्ष केपी शर्मा ओलीले माधव नेपाल नेतृत्वको पार्टीलाई मच्छरको संज्ञा दिएका छन् ।
एमालेको केन्द्रीय कमिटी बैठकमा अध्यक्ष ओलीले निर्वाचनमा एमालेलाई हराउने समाजवादीका अध्यक्ष नेपालको टिप्पणीको जवाफ दिँदै यस्तो भनेका हुन् ।
उनले निर्वाचनमा नेपाल नेतृत्वको एकीकृत समाजवादीले एमालेलाई पराजित गर्ने सपना नदेख्न भनेका छन्।
ओलीले माधवकुमार नेपालले एमालेलाई चुनावमा हराउँछु भन्नु र मच्छरले ९लामखुट्टेले० हात्ती खाएको सपना देख्नु उस्तै रहेको बताए।
‘मच्छरले निदाएको बेला सिङ्गै हात्ती खाएको सपना देख्नु र माधव नेपालले आगामी चुनावमा एमालेलाई टर्च बालेर खोज्नु पर्छ भन्नू उस्तै हो’, ओलीले बैठकमा भने।
एकीकृत समाजवादीका अध्यक्ष नेपालले एउटा कार्यक्रममा एमालेलाई टर्च बालेर खोज्नुपर्ने अवस्थामा पुर्याउने बताएका थिए।