ललितपुरमा श्रीमतीको शरीरमा मट्टितेल छर्केर आगो लगाउने श्रीमान पक्राउ
काठमाडौं । ललितपुरमा एक पुरुषले आफ्नै श्रीमतीको जिउमा आगो लगाएका छन् ।
महानगरीय प्रहरी परिसर ललितपुरका प्रवक्ता प्रहरी उपरीक्षक एसपी प्रज्वल महर्जनका अनुसार ललितपुरको गोदाबरी नगरपालिका–१३ का राजु देशारले श्रीमती २७ वर्षीया मुना देशारको जिउमा मट्टितेल छर्केर आगो लगाएका हुन् ।
घाइते भएकी मुनालाई उपचारका लागि कीर्तिपुर अस्पताल लगिएको छ । राजु भने पक्राउ परेका छन् । उनीमाथि थप अनुसन्धान भइरहेको प्रहरीले जनाएकाे छ।