एमाले महाधिवेशनमा सहभागी प्रतिनिधिको संख्या बढाउने
काठमाडौं। नेकपा एमालेले आफ्नो पार्टीको १० औं महाधिवेशनमा सहभागी हुने प्रतिनिधिको संख्या बढाउने भएको छ ।
एमालेको आज बसेको केन्द्रीय कमिटी बैठकले १ हजार ९ सय ९९ जना महाधिवेशन प्रतिनिधि बनाउने निर्णय गरेको हो।
संघीय निर्वाचन क्षेत्रमा रहेका एमालेका संगठित सदस्य संख्याका आधारमा महाधिवेशन प्रतिनिधिको संख्या निर्धारण हुने प्रवक्ता प्रदीप ज्ञवालीले बताए ।
प्रतिनिधि छनोट भने कात्तिक २७ हुने बताइएको छ ।एमाले केन्द्रीय कमिटीको अर्को बैठक मंसिर ९ गते चितवनको सौराहामा बस्ने प्रवक्ता ज्ञवालीले जानकारी दिए।
एमालेको दशौं महाधिवेशन मंसिर १० देखि १२ सम्म चितवनमा हुँदैछ।