राष्ट्रिय परीक्षा बोर्डले कक्षा ११ को ग्रेडवृद्धि र आंशिक परीक्षाको नतिजा प्रकाशित
काठमाडौं ।राष्ट्रिय परीक्षा बोर्डको परीक्षा नियन्त्रण कार्यालयले कक्षा ११ को ग्रेडवृद्धि तथा आंशिक परीक्षाको नतिजा प्रकाशित गरेको छ । परीक्षा नियन्त्रण कार्यालयले ग्रेडवृद्धि तथा आंशिक परीक्षाको नतिजा प्रकाशित गरेको छ ।
असोज ११ देखि १८ गतेसम्म सञ्चालन भएको परीक्षामा ग्रेडवृद्धितर्फ २१ हजार ८१६ र आंशिकतर्फ २ हजार ९०८ गरी जम्मा २४ हजार ७२४ जना विद्यार्थी सहभागी भएका थिए । जसमा ७९.०६ प्रतिशत उत्तीर्ण भएको बोर्डले जनाएको छ ।
बोर्डकाअनुसार परीक्षाफल बोर्डको वेबसाइट र नेपाल टेलिकमको वेबसाइटबाट हेर्न सकिन्छ । यसका अलवा नेपाल टेलिकमको १६०० नम्बरमा एसएमएस गरेर वा १६०१ नम्बरमा डायल गरी नतिजा थाहा पाउन सकिन्छ ।
यस्तै, बोर्डले २०७८ को कक्षा १२ को ग्रेडवृद्धि पूरक परीक्षाको परीक्षा केन्द्र पनि निर्धारण गरेको जनाएको छ । परीक्षा केन्द्रसम्बन्धी विवरण बोर्डको वेबसाइटमा राखिएको छ ।