शेयर बजारमा उच्च अङ्कको वृद्धि
काठमाडौँ । साताको अन्तिम दिन आज बिहीबार शेयर बजार उच्च अंकका साथ सुधार भएको छ । बुधबार ३० अंकले घटेको शेयर बजार आज ५४ अंकभन्दा बढीले बढेको छ ।
नेप्से परिसूचक ५४ दशमलव १२ अंकले बढेर २ हजार ८ सय ५७ दशमलव ७५ अंकले बढेको छ । शेयर कारोबार रकम भने घटेको छ ।
बुधबार ८ अर्ब माथिको शेयर कारोबार हुँदा आज ७ अर्बसमेत पुग्न सकेको छैन । दिनभर भएका करिब ६६ हजार कारोबारबाट २२४ कम्पनीका एक करोड १६ लाख कित्ता हाराहारीमा शेयर किनबेच भएको छ ।
जसअनुसार कारोबार रकम ६ अर्ब ६६ लाख ९७ हजार रुपैयाँ माथिको शेयर कारोबार भएको छ ।