एमाले सम्बद्ध अनेरास्ववियूले सभामुख सापकोटालाई देखाइयो कालो झण्डा
काठमाडौं।एमाले सम्बद्ध अनेरास्ववियूले सभामुख अग्निप्रसाद सापकोटालाई कालो झण्डा देखाएको छ। सिन्धुपाल्चोक जाने क्रममा बनेपामा उनलाई अनेरास्ववियूले कालो झण्डा देखाएको हो।
सोमबार साँझ मसला जुलुस निकालेको अनेरास्ववियू काभ्रेले मंगलबार बिहान सभामुख सापकोटालाई कालो झण्डा देखाएको हो।
एमाले विभाजनमा सभामुख सापकोटाको भूमिका रहेको भन्दै एमालेले सभामुखको राजीनामा माग्दै आएका बेला उसको भ्रातृ संगठनले कालो झण्डा देखाएको हो।
यसअघि मंगलबार बिहान नै पुल्चोकमा सरकारका प्रवक्ता तथा सूचना तथा सञ्चार मन्त्री ज्ञानेन्द्रबहादुर कार्कीलाई पनि एमाले कार्यकर्ताले कालोझण्डा देखाएका थिए।