एमसीसी कारण माओवादी केन्द्रमा पहिरो महोत्तरीमा ५ नेताले गरे पार्टी परित्याग गरेको घोषणा (विज्ञप्तिसहित)
काठमाडौं। अमेरिकी सहयोग परियोजना एमसीसी पारित गराउन नेतृत्वदायी भूमिका निर्वाह गरेको भन्दै महोत्तरीमा नेकपा माओवादी केन्द्रका पाँच नेताले पार्टी छाडेको घोषणा गरेका छन् ।
माओवादी केन्द्रको मधेश प्रदेश कमिटी सदस्य तुलसीप्रसाद ढुंगाना, रामबहादुर राणा र राजनप्रसाद ढुंगाना, बर्दिबास नगरपालिका-३ का वडाध्यक्ष नरबहादुर खनाल र अखिल नेपाल महिला संघकी केन्द्रीय सदस्यसहित उनीहरुले बुधबार संयुक्त विज्ञप्ति जारी गर्दै पार्टी छाडेको घोषणा गरेका हुन।
‘एमसीसी देश र जनताको हितमा नभएपनि पार्टी नेतृत्वले त्यसलाई पारित गराउन नेतृत्वदायी भूमिका खेल्यो त्यसैले अब यस्तो पार्टीमा बस्दैनौं संयोजक ढुंगानाले भने।
अरु केही नेता कार्यकर्ताले पनि पार्टी परित्याग गरेको र उनीहरु पछि सार्वजनिक हुने बताए ।
