देशभर थप २७ जना कोरोना संक्रमण पुष्टि,२२० जना संक्रमणमुक्त

काठमाडौं । देशभर पछिल्लो२४ घण्टामा थप २७ जना कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ७ सय ४७ जनामा नमुना परीक्षण गर्दा २७ जनामा संक्रमण पुष्टि भएको हो ।

त्यसैगरी, बिहीबार २२० जना संक्रमणमुक्त भएका छन् ।हाल देशभर सक्रिय संक्रमितको संख्या ४ हजार ३ सय ७६ रहेको छ।

पछिल्लो २४ घण्टामा कोरोनाका कारण मृत्यु हुनेको संख्या शुन्य रहेको मन्त्रालयले जनाएको छ।