नेपाल टेलिकमको एपमार्फत थप सुविधा उपलब्ध

काठमाडौं । नेपाल टेलिकमको भोइस प्याक बारे सबैलाई थाहा नै छ होला । टेलिकमको नेटवर्कभित्र कल गर्न सस्तोमा यो प्याक लिन सकिन्छ ।

 

 

तर, नेपाल टेलिकमले यस्तो भोइस प्याकमा टेलिकमबाट उसकै नेटवर्कमा र अन्य नेटवर्कमा पनि कल गर्न पाइने प्याक ल्याएको छ । अर्थात एउटै प्याकबाट अब टेलिकम, एनसेल जस्ता नेटवर्कमा कल गर्न सकिन्छ ।

 

 

 

यस्तो भोइस प्याक टेलिकमदेखि टेलिकम गर्दा लाग्ने खर्चभन्दा मात्र १५ रुपैयाँ महँगो रहेको छ ।

 

 

 

यो प्याक अन्तगर्त नेपाल टेलिकमको प्रयोगकर्ताहरूले २६५ रुपैयाँमा २८ दिनको लागि ५०० मिनेटको टक टाइम पाउनेछन् ।

 

 

 

यसबाहेक, ३५ दिनका लागि १२०० मिनेटको टक टाइमको अर्को प्याक रहेको छ, जसको मूल्य ५५० रुपैयाँ रहेको छ ।

 

 

 

लामो समय कलहरु गरिरहने ग्राहकहरूका लागि यी प्याकहरू मध्ये कुनै एक उनीहरूलाई उपयुक्त हुनेछ ।

 

 

 

त्यस्तै, प्रयोगकर्ताहरूले असीमित समयको लागि डे भोइस प्याक र नाइट भोइस प्याक प्राप्त गर्न प्राप्त गर्न सक्नेछन् ।

 

 

 

अल नेट डे भ्वाइस प्याक बिहान ५ बजेदेखि बेलुका ५ बजेसम्म र अल नेट नाइट प्याक राति १० बजेदेखि बिहान ७ बजेसम्म लागु हुनेछ । ग्राहकहरुले मात्र ३० रुपैयााँमा तोकिएको समयभित्र जतिबेला जुनै पनि नेटवर्कमा कल गर्न पाउनेछन् ।

 

 

 

 

यस्तै ग्राहकका लागि टेलिकमले अल नेट डे भ्वाइस प्याक ल्याएको छ । यस योजना अन्तर्गत, प्रयोगकर्ताहरूले रु १२ मा ३० मिनेटको प्याक वा रु १५ मा १२० मिनेटको प्याक किन्न सक्छन् ।

 

प्रेस जानकारी

नेपाल टेलिकमको एपमा सेवाग्राहीहरुका लागि उपयोगी हुने सुविधाहरु प्रयोग गर्न सकिने गरी अपडेट गरिएको छ । नेपाल टेलिकम एपमार्फत सेवाग्राहीले पहिले देखि नै विभिन्न सुविधाहरु प्रयोग गर्दै आएकोमा अब एफटीटीएच सेवाका लागि आवश्यक पोर्टल थप गरिएको छ भने ‘नमस्ते पे’ मार्फत रिचार्ज समेत गर्न सकिने छ । त्यसैगरी आफ्नो जानकारी (केवाइसी)अपडेट गर्न, अफलाइन मोडमा पनि विभिन्न सुविधा उपयोग गर्न सकिने विशेषता रहेका छन् । यसमार्फत विभिन्न सेवामा रिचार्ज गर्न सकिने छ ।

 

 

 

फाइबर टु द होम अर्थात एफटीटीएच प्रयोगकर्ताहरुले एपमार्फत एफटीटीएचको सिपिई (सीपीइ)रिस्टार्ट गर्न, वाईफाईको एसएसआईडी (एसएसआडी) परिवर्तन गर्न, डाटाको खपत तथा बचत बारेमा जानकारी लिन र महशुल तिर्न सक्नु हुनेछ । नमस्ते पे सेवा पहिलो पटक एपमा समावेश गरिएको छ ।नेपाल टेलिकम एपमा वैयक्तिक जानकारीहरु (आपडेट युजर की)मार्फत नवीकरण गर्न सकिने छ । त्यसैगरी डिलरहरुले (एमपोस) समेत लगइन गर्न सकिने छ ।

 

 

 

नेपाल टेलिकमले आफ्नो मोबाइल एप ‘नेपाल टेलिकम’ नेपाल टेलिकमलाई समय समयमा परिमार्जन गरी सेवाग्राहीहरुको लागि उपयोगी विशेषताहरु थप गर्दै नयाँ रुपमा प्रस्तुत गर्ने गरेको छ ।

 

 

एपमार्फत नेपाल टेलिकमका जीएसएम, सीडीएमए, पीएसटीएन, एडीएसएल, एफटीटीएच लगायतका सेवाहरुको बारेमा जानकारी प्राप्त गर्नुको साथै अन्य विभिन्न सुविधाहरु उपभोग गर्न सकिन्छ । त्यसैगरी नेपाल टेलिकमले उपलब्ध गराएका विभिन्न प्याकेजहरु खरिद गर्न र प्याकेजको अवस्था वारेमा सहजरुपमा जानकारी प्राप्त गर्न सकिन्छ ।

 

 

यसका साथै ब्यालेन्स हेर्न, ब्यालेन्स ट्रान्सफर गर्न, विभिन्न सेवामा रिचार्ज गर्न र आफन्त वा साथीलाई विभिन्न प्याकेजहरु उपहारको रुपमा पठाउन सकिन्छ । त्यसैगरी विभिन्न प्रकारका भ्यालु एडेड सर्भिसको प्रयोग गर्न, नेपाल टेलिकमका विभिन्न सेवाहरुमा समस्या आएमा गुनासा टिपाउन र विभिन्न सेवाहरुको बिल तिर्न पनि सकिन्छ ।

 

 

कम्पनीको फेसबुक लगायतका सोसल मिडियासमेत यहीँबाट प्रयोग गर्न सकिन्छ । उक्त एपमार्फत कम्पनीले उपलब्ध गराउँदै आएका सम्पूर्ण सेवाहरुको महशुल दरबारे जानकारी लिन पनि सकिन्छ ।यस एपबाट १००, १०१, १०२ जस्ता इमर्जेन्सी नम्बरहरु डायल गरी आवश्यक सेवा लिनुका साथै १९७, १४९८ आदि नम्बरमा डायल गरी कम्पनीका विभिन्न सेवाका बारेमा सोधपुछ गर्न पनि सकिन्छ ।

 

 

यो एपबाट उपलब्ध गराइएका सुविधा उपयोग गर्न शुरुवातमा गुगल प्ले स्टोर तथा एप्पल एप स्टोरबाट ‘नेपाल टेलिकम’ एप डाउनलोड गर्नु पर्दछ । नेपाल टेलिकमको मोबाइल नम्बरमार्फत रजिष्टर गरेपछि एप चलाउन सकिन्छ । पहिलो पटक एप डाउनलोड गर्दा ५ सय एमबी डाटा समेत निःशुल्क प्रयोग गर्न सकिने सुविधा कम्पनीले उपलब्ध गराइरहेको छ ।

 

 

यो एपमा लगइन गर्नासाथ मोबाइलमा भएको ब्यालेन्स रकम तथा नेपाल टेलिकमको प्याकेज खरिद गरेको भए सो बारे जानकारी प्राप्त गर्न सकिन्छ । पछिल्लो अवस्थामा विभिन्न प्रकारका प्याकेज खरिद गरी सेवा उपभोग गर्ने प्रचलन बढ्दै गएकाले विशेष गरी त्यस्ता प्याकेज खरिद कार्य यो एपबाट सहज भएको छ । हाल नेपाल टेलिकम एप प्रयोग गर्ने सेवाग्राहीहरुको संख्या बढ्दै गइरहेको छ ।

 

शोभन अधिकारी
प्रवक्ता
नेपाल टेलिकम