एकीकृत समाजवादीले बुझायो नयाँ मन्त्रीका नाम,यी हुन् सिफारिस भएकाहरू
काठमाडौं । नेकपा एकीकृत समाजवादीले मन्त्री हेरफेर गरेको छ । सचिवालय बैठकले यसअघि सरकारमा रहेका ५ जनालाई फिर्ता बोलाएर नयाँ मन्त्रीहरुको नाम प्रधानमन्त्री शेरबहादुर देउवालाई बुझाएको छ ।
एकीकृत समाजवादीका उपमहासचिव विजय पौडेलले आफूले सरकारमा सहभागी हुने नेताहरूको नाम प्रधानमन्त्री देउवालाई बुझाएको बताउनुभयो ।
उहाँका अनुसार अब भवानी खापुङ स्वास्थ्य तथा जनसंख्या मन्त्री, जीवनराम श्रेष्ठ पर्यटन, मेटमणि चौधरी शहरी विकास, शेरबहादुर कुँवर श्रम मन्त्री बन्नुहुने छ। त्यस्तै हीरा केसी स्वास्थ्य राज्यमन्त्री बन्नुहुने छ ।