राप्रपाको केन्द्रीय कार्यसमिति बैठक बस्दै

काठमाडौं। राष्ट्रिय प्रजातन्त्र पार्टीको केन्द्रीय कार्यसमितिको बैठक बस्दैछ । आज दिउँसो १ बजे धुम्बाराहीस्थित एसआर ब्याङ्क्वेटमा बैठक बस्न लागेको हो ।

बैठकमा राजनीति प्रतिवेदन पेस हुनुका साथै चुनावी एजेन्डामा केन्द्रित रहेर छलफल हुने महासचिव धवल शमशेर राणाले जानकारी दिए ।

यसअघि असार २९ गते बसेको राप्रपाको केन्द्रीय कार्यसम्पादन समितिको बैठकले केन्द्रीय कार्यसमितिको बैठकमा पेस गर्ने राजनीतिक प्रतिवेदन पारित गरेको थियो ।