पठाओको ‘दशैं महोत्सव’ बम्पर उपहार जित्न सकिने
काठमाडौं। राइड शेयरिङ प्लेटफर्म पठाओ नेपालले ‘दशैं महोत्सव २०७९’ घोषणा गरेको छ। आफ्ना राइडर, क्याप्टेन र फुडम्यानका लागि लक्षित गर्दै कम्पनीले यो योजना ल्याएको हो।
पठाओको अग्रभागमा रहेर खटिने साथीहरूको अमूल्य योगदानको कदर गर्दै आज (भदौ २३ गते) देखि असोज १२ गतेसम्मका लागि महोत्सव आयोजना गरिएको हो,पठाओ नेपालकी प्रवक्ता सुरक्षा हमालले बताइन्।
उनका अनुसार तोकिएको प्रक्रिया पूरा गर्ने राइडर, फुडम्यान र क्याप्टेनहरुले लक्की ड्रबाट हरेक हप्ता टिभी, रेफ्रिजेरेटर जस्ता विभिन्न पुरस्कार जित्न सक्नेछन्।
राइडर, क्याप्टेन र फुडम्यानमा दुई जनालाई लक्की ड्रमार्फत छनौट गरी बम्पर उपहारमा बजाज पल्सर २२० र बजाज डिस्कभर १२५ दिइने उनले जानकारी दिइन्।
तीन हप्तामा ९ जना र बम्पर उपहारमा २ जना गरि कुल ११ जना विजेता हुनेछन्। पुरस्कारहरू जित्न तोकिएको मापदण्ड पूरा गरी नियमहरूको पूर्ण रूपमा पालना गर्नुपर्ने बताइएको छ।