नेकपा एसका कास्की सचिव नेपालीसहितका नेता एमालेमा प्रवेश
काठमाडौं। नेकपा एकीकृत समाजवादी (एस) का कास्की सचिव होम नेपाली नेकपा एमाले प्रवेश गरेका छन् । कास्की क्षेत्र नम्बर २ को एमाले उम्मेदवारको भेलामा नेपाली एमाले प्रवेश गरेका हुन् ।
उनलाई नेकपा एमालेका पूर्व जिल्ला अध्यक्ष कृष्ण थापाले पार्टीमा स्वागत गरे । कास्की -२ बाट प्रदेश सभा उम्मेदवार बनेका भीम कार्कीले नेपाली पार्टी प्रवेश गरेको उल्लेख गर्दै अरू नेता पनि पार्टीमा आउन लागेको बताए । ‘नेकपा एसका अरू नेताहरू पनि एमाले फर्कनुहुन्छ, होमजीले अरूलाई पनि ल्याउँछु भन्नुभएको छ’, उनले भने।
पार्टी प्रवेश गर्दै नेपालीले एमाले कुनै हालतमा नसकिने र साङ्गठनिक पद्धतिमा नचल्ने नेकपा एसको अस्तित्व नरहने बताए । नेकपा एसमा १ वर्ष रहँदाको अनुभवले नेकपा एसको अस्तित्व नजोगिने बताए ।
‘माधव नेपाल र झलनाथ खनालको नाटक मञ्चनका पात्र म पनि भएँ । १ वर्षमा धेरै बुझेँ, भोगेँ’, उनले भने ‘अब त्यो पार्टी रहन्नँ । नेपालमै रहन्न । जो गठबन्धनबाट जित्छन्, तिनीहरू मात्र रहनेछन् ।