कैलालीमा ब्याट्री चोर्न आएको समूहद्वारा गोली प्रहार
काठमाडौं। कैलालीको धनगढी उपमहानगरपालिका–९ स्थित जुगेडामा गोली चलेको छ। मंगलबार बिहान २ बजेर ४५ मिनेटमा प्रजापति विष्टको घरमा आएको समूहले गोली चलाएको कैलालीका एसपी सोमेन्द्र सिंह राठौरले बताए।
भारतबाट आएका व्यक्तिहहरुले चार राउण्ड गोली प्रहार गरेको र दुई राउण्ड पड्किएको भेटिएको छ। सो समूहले गाडीको ब्याट्री चाेर्न खोजेपछि स्थानीयले प्रतिकार गरेका थिए। प्रतिकार पछि गोली चलाएर भागेको स्थानियले बताएका छन् ।