पत्रकार महासंघ ललितपुर शाखाको स्थापना दिवस तथा पर्यटन प्रवर्द्धन अन्तरक्रिया कार्यक्रम गोदावरीमा सम्पन्न
काठमाडौं। नेपाल पत्रकार महासंघ ललितपुर शाखाको स्थापना दिवस तथा पर्यटन प्रवर्द्धन अन्तरक्रिया कार्यक्रम सम्पन्न भएको छ। आज (शनिबार) ललितपुरको पर्यटकीय स्थल गोदावरी स्थित नौ धारामा बनभोज कार्यक्रमको पनि आयोजना गरेर साे कार्यक्रम सम्पन्न गरिएको हाे।
जिल्लामा सक्रिय पत्रकारिता गर्दै आइ रहेका सम्पूर्ण पत्रकारहरुको उपस्थितिमा अन्तरक्रिया तथा बनभोज कार्यक्रम गरेर भव्यताका साथ सम्पन्न गरिएको थियाे।
उक्त कार्यक्रमको अवसरमा शाखाले बनभोजका साथै अतिरिक्त मनरोञ्जनको समेत कार्यक्रम गरेको थियाे भने ललितपुरको पर्यटन प्रबर्द्धन गर्ने उदेश्यका साथ महासंघ ललितपुरले अन्तरक्रिया कार्यक्रम समेत गरेको थियो।
कार्यक्रमका प्रमुख अतिथि गोदावरी नगरपालिकाका मेयर गजेन्द्र महर्जन रहेका थिए भने सो कार्यक्रमकाे अध्यक्षता शाखाका अध्यक्ष सागर न्यौपानेले गरेका थिए।
त्यस्तै बिशेष अतिथिमा पत्रकार महासंघ केन्द्रका लेखा समिति संयोजक लेखनाथ न्यौपाने,केन्द्रीय सदस्य ज्ञान प्रसाद पौडेल,शान्ताराम विडारीलगायतको सहभागीता रहेको थियो। त्यस्तै क्रान्तिकारी पत्रकार महासंघका पूर्वअध्यक्ष इन्द्र रावत,बरिष्ठ पत्रकार प्रभूनारायण बस्नेतलगायतका बरिष्ठ व्यक्तित्वहरूको सहभाागीता रहेको थियो।
उक्त कार्यक्रममा वभिन्न संघ संगठनका नेताहरुको उपस्थित रहेको थियो भने बनभोज कार्यक्रममा पत्रकारहरूको उल्लेख्य सहभागीता रहेको थियो।