एकैदिन थप १३६ जनामा कोरोना संक्रमण पुष्टि
काठमाडौं। नेपालमा पछिल्लो २४ घण्टामा थप १३६ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार १९७ जनाको पीसीआर परीक्षण गर्दा ३४ जना र १ हजार २२७ जनाको एन्टीजेन परीक्षण गर्दा १०२ गरी १३६ जनामा कोरोना संक्रमण पुष्टि भएको हो।
यस्तै पछिल्लो २४ घण्टामा ६८ जना कोरोना संक्रमणबाट मुक्त हुँदा ४०१ जना सक्रिय संक्रमित रहेका छन्।
मन्त्रालयका अनुसार ३२ जना संस्थागत आइशोलेशनमा, ११ जना आइसियु र ३ जनाको भेन्टीलेटरमा उपचार भइरहेको छ।