जग्गामा विवाद हुँदा गोली हानाहान,एकजनाको मृत्यु
काचठमाडौं। रौतहटको गढीमाईमा जग्गा विवादलाई लिएर दुई समूहबीच झडप हुँदा एक जनाको मृत्यु भएको छ । धनगढीमाई नगरपालिका–८ धोबिनियामा जग्गा विवादलाई लिएर शनिबार दुई समूहबीच विवाद भएको थियो। सोक्रममा गोली हानाहान हुँदा एक जनाको मृत्यु भएको प्रहरीले जनाएको छ।
झडपमा अन्य तीन जना घाइते भएका छन्। गोली हानाहान हुँदा धनगढीमाई नगरपालिका ८ का रामकुमार रायको मृत्यु भएको जिल्ला प्रहरी कार्यालय रौतहटले जनाएको छ।
प्रहरीका अनुसार अवैध हतियारबाट गोली हानहान भएको थियो।तीनै जना घाइतेको गरुडास्थित ग्राण्डी अस्पतालमा उपचार भइरहेको बताइएको छ।