बाजुराको हिमाली गाउँपालिकामा एक महिलाले झुलङ्गे पुलबाट नदिमा हाम फाल्दा बेपत्ता
काठमाडौं।बाजुराको हिमाली गाउँपालिका –६ की एक महिला नदिकाे झुलङ्गे पुलबाट हाम फाल्दा बेपत्ता भएकी छन्।
गाउँपालिको वडा नं. ६ धिममा बस्ने महेश रावतकी श्रिमती अन्दाजी १८ बर्षीया रचना बुढथापा बेपत्ता भएको स्थानीयले बताएका छन्।
सोमबार श्रीमानसंगै माइति घरबाट फर्कने क्रममा श्रीमानसँग जान नमानेको र सोमबार वडा नं. ५ स्थित कवाडी नदिमा हाम फालेर बेपत्ता भएको प्रहरीले जनाएको छ।
बाजुरा र हुम्ला जोड्ने कवडी नदिको झुलङ्गे पुलबाट हाम फालेर बेपत्ता भएको प्रहरीले जनाएको छ। अहिले घटना स्थलमा नेपाल प्रहरी,नेपाली सेना र स्थानीय बासिन्दाले बेपत्ता महिलाको खोजी कार्य भइरहेको प्रहरीले जनाएको छ।