खोलाले बगाउँदा दुई जनाको मृत्यु
काठमाडौं। देशका विभिन्न स्थानमा खोलाले बगाउँदा दुई जनाको मृत्यु भएको छ। प्रहरीका अनुसार कञ्चनपुरको लालझाडी गाउँपालिका-५ देउवाटोल बस्ने नारायण चन्दकी छोरी १० वर्षीया चन्द्रा चन्दको सोही ठाउँस्थित मछली खोलाले बगाई शनिबार बिहान मृत्यु भएको छ। बाख्रा चराउन जानको लागि खोला तर्ने क्रममा बगाउँदा उनको मृत्यु भएको हो।
उता बर्दियाको मधुबन नगरपालिका(२ खाता बस्ने २६ वर्षीया रबिना चौधरीको सोही ठाउँस्थित औरही खोलाले बगाई शनिबार दिउँसो मृत्यु भएको छ।
राजापुर नगरपालिका-१० दमरा भन्ने स्थानमा बहिनीको घर जाने क्रममा उक्त खोलाले बगाएको भन्ने खबे प्राप्त हुनासाथ प्रहरी चौकी कोठियाघाटबाट खटिएको प्रहरीले उनको शव फेला पारेको हो। दुवै घटनाका सम्बन्धमा प्रहरीले आवश्यक अनुसन्धान गरिरहेको छ।