जुम्लामा जिप दुर्घटना हुँदा चालक र सहचालकको मृत्यु
काठमाडौं। जुम्लामा जिप दुर्घटना हुँदा दुई जनाको मृत्यु भएको छ। गुठीज्यूलाबाट मुगु जादै गरेको भे १ ज १०९९ नम्बरको जिप आज बिहान पौने ७ बजे नाग्म गमगड राजमार्गको कनकासुन्दरी–४ स्थित ठगुनेरामा दुर्घटना भएको हो।
दुर्घटनामा चालक र सहचालकको मृत्यु भएको जिल्ला प्रहरी कार्यालय जुम्लाका सूचना अधिकारी प्रहरी निरीक्षक उमेश चन्दले जानकारी दिए।
उनका अनुसार मृतकको पहिचान भएको छैन। जिपमा अन्य यात्रु थिइनन्। जिप सडकबाट करिब तीन सय मिटर तल खसेको प्रहरीले जनाएको छ।