सेती नदीमा डुबेर २ जना बालक बेपत्ता
काठमाडौं। डोटीको सेती नदीमा नुहाउने क्रममा दुई बालक बेपत्ता भएका छन्। जिल्लाको दिपायल सिलगढी नगरपालिका–४ मा रहेको सेती पुल नजिक नुहाउने क्रममा दुई बालका बेपत्ता भएका जिल्ला प्रहरी कार्यालय डोटीका सूचना अधिकारी प्रहरी नायब उपरीक्षक निशान्त श्रीवास्तले बताउनुभयो।
उहाँका अनुसार बेपत्ता हुनेमा वडा नम्बर ४ पिपल्ला बजारका ८ वर्षीया खुसी प्रजापति र त्यसै ठाउँका साढे दुई वर्षका सिद्धार्थ देउवा रहेका छन्।
बेपत्ता दुवैको खोजी कार्य भइरहेको सूचना अधिकारी श्रीवास्तले बताउनुभयो। खोजीका लागि सुरक्षाकर्मी तथा स्थानीयवासी खटिएको प्रहरीले जनाएको छ ।