एमाले सुदूरपश्चिमको अध्यक्षमा ४ जनाको उम्मेदवारी
काठमाडौं। नेकपा (एमाले) सुदूरपश्चिम प्रदेशको अध्यक्षमा चार जनाको उम्मेदवारी दर्ता भएको छ। धनगढीमा जारी प्रदेशको प्रथम अधिवेशनमा अध्यक्ष पदमा चार जनाको उम्मेदवारी परेको हो।
बहालवाला प्रदेश कमिटीका उपाध्यक्ष कमल तिमिल्सिना, प्रदेश सचिवालय सदस्यत्रय कृष्णप्रसाद जैसी,भरतबहादुर साउँद र बचनबहादुर सिंहले उम्मेदवारी दर्ता गराएका छन्।
उनीहरूमध्ये सिंह कञ्चनपुरका हुने भने अन्य तीन जना अछामका हुन्। निर्वाचन समितिले मंगलबार बिहान ७ बजेदेखि १२ बजेसम्म उम्मेदवारी दर्ता गर्ने समय तोकेको थियो।
साँझ ५ बजे मतदान हुने प्रमुख निर्वाचन अधिकृत पदम पालले जानकारी दिए।आइतबारदेखि सुरू भएको प्रथम अधिवेशनमा नेताहरूले नेतृत्व चयनका लागि सहमतिको प्रयास गरेका थिए, तर सहमति जुट्न सकेन।