कल्याण युथ क्लबको साधारणसभा तथा अधिवेशन सम्पन्न
-प्रेम प्रसाद कडेल
चितवन। चितवन कल्याण युथ क्लब यज्ञपुरीको २७ औं स्थापना दिवस, १६ औं साधारणसभा तथा आठौं अधिवेशन क्लबका अध्यक्ष नवराज कँडेलको अध्यक्षतामा सम्पन्न भएको छ।कार्यक्रममा प्रमुख अतिथि भरतपुर वडा नम्बर ५ का वडा अध्यक्ष युद्ध प्रसाद श्रेष्ठ, अतिथिहरु वडा सदस्य विशाल बाबु तिमिल्सिना, क्लबका पूर्व अध्यक्षहरु प्रेम कडेल, नवराज अधिकारी,सल्लाहकारहरु भूमिश्वर कडेल, श्री प्रसाद कडेल,प्रेम कुमार गैरे,शान्ति शर्मा, श्री आधारभूत राष्ट्रिय विद्यालय सानो यज्ञपुरीका विद्यालय व्यवस्थापन समितिका अध्यक्ष टिकाराम सापकोटा, प्रधानाध्यापक धिर बहादुर थापा लगायतको उपस्थिती रहेको थियो।
कार्यक्रम सञ्चालन पर्वत अधिकारी र स्वागत मन्तव्य उपाध्यक्ष गोपाल प्रसाद कडेलले गरेका थिए। क्लबको वार्षिक प्रगति एवम् आथिर्क प्रतिवेदन अध्यक्ष कडेलले पेश गरे।
कार्यक्रममा शुभकामना मन्तव्य प्रमुख अतिथि वडा अध्यक्ष युद्ध प्रसाद श्रेष्ठ, वडा सदस्य विशाल बाबु तिमिल्सिना, क्लबका पूर्व अध्यक्ष प्रेम कडेल, पूर्व सचिव प्रदीप पौडेल, सल्लाहकार श्री प्रसाद कडेल, प्रेम कुमार गैरे लगायतले क्लबको आगामी कार्यकालका सफलताको शुभकामना व्यक्त गरे।अधिवेशन सम्पन्न गर्न श्री प्रसाद कडेलको संयोजकत्वमा गठित निर्वाचन समितिले पुनः नवराज कँडेलको अध्यक्षतामा आगामी ३ वर्षको लागि ११ सदस्यीय कार्यसमिति चयन गरेको छ।
समितिको उपाध्यक्षमा गोपाल प्रसाद कडेल, सचिव इन्द्रराज गैरे, सह सचिव सुरज कडेल, कोषाध्यक्ष लोकेन्द्र प्रसाद सापकोटा, सह कोषाध्यक्ष सुरज खरेल, सदस्यहरू पदमा पाण्डे अधिकारी, समिर सापकोटा, राजेन्द्र सुवेदी, विपिन पराजुली, गोकुल कँडेल रहेका छन्।
नव निर्वाचित कार्यसमितिलाई समाजसेवी एवं क्लबका सल्लाहकार भूमिश्वर कँडेल जेष्ठ नागरिक ओम प्रसाद सापकोटा, नवदुर्गा शिव पञ्चायन मन्दिरका अध्यक्ष जय प्रसाद सापकोटाले बधाई तथा शुभकामना दिए। नव निर्वाचित कार्यसमितिको तर्फबाट नवनिर्वाचित अध्यक्ष नवराज कँडेलले प्रतिबद्धता मन्तव्य व्यक्त गरे।