दुईवटा मोटरसाइकल ठोक्किँदा एक जनाको मृत्यु
धनगढी । कैलालीमा मोटरसाइकल दुर्घटनामा एक युवकको मृत्यु भएको छ। हुलाकी सडकखण्ड अन्तरगत कैलारी गाउँपालिका–७ को बर्का बसन्तामा बा ८१ प ४२९८ र से ५ प ४७७४ नम्बरको मोटरसाइकल आपसमा ठोक्किँदा २८ वर्षीय शिशिर चौधरीको मृत्यु भएको प्रहरीले जनाएको छ।
कैलारी गाउँपालिका–५ का स्थानीय चौधरी बा ८१ प ४२९८ नम्बरको मोटरसाइकलका चालक हुन्। उनको उपचारका क्रममा सेती प्रादेशिक अस्पतालमा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ।
दुर्घटनामा घाइते भएका से ५ प ४७७४ नम्बरको मोटरसाइकल चालक भजनी नगरपालिका–५ बस्ने २६ वर्षीय बिरबहादुर चौधरी र पछाडि सवार २८ वर्षीय राजेश डगौराको निसर्ग अस्पतालमा उपचार भइरहेको छ।
दुवै मोटरसाइकल प्रहरीले नियन्त्रणमा लिएर घटनाको अनुसन्धान गरिरहेको जनाएको छ।