क्यानडाविरूद्ध आज दोस्रो खेल खेल्दै नेपाल
काठमाडौं। अन्तर्राष्ट्रिय एकदिवसीय सिरिजमा नेपालले आज क्यानडाविरूद्धको दोस्रो खेल खेल्दैछ। त्रिवि क्रिकेट मैदानमा आजको खेल बिहान सवा ९ बजे सुरु हुनेछ।
बिहीबार भएको सिरिजको पहिलो खेलमा नेपाल ७ रनले विजयी भएको थियो। आजको खेल जित्न सके नेपालले एक खेल बाँकी छँदै सिरिज आफ्नो पक्षमा पार्नेछ।
अघिल्लो खेलमा नेपालका कप्तान रोहित पौडेलले उत्कृष्ट बलिङ गरेका थिए भने कुशल भूर्तेलले ६८ रन प्रहार गरेका थिए। अघिल्लो खेलमा नेपालले टस जितेर पहिले ब्याटिङ गरेको थियो।
सन् २०१८ मा पहिलोपटक एकदिवसीय मान्यता पाएपछि नेपालले क्यानडासँग पहिलो एकदिवसीय सिरिज खेलिरहेको छ। नेपालका लागि एकदिवसीय खेलमा क्यानडा १३औं प्रतिद्वन्द्वी हो।
रोहित पौडलको कप्तानीका उत्रिने नेपाली टिममा आशिफ शेख,कुशल भूर्तेल, देव खनाल, कुशल मल्ल,भीम शार्की,आरिफ शेख, पवन शर्राफ,सोमपाल कामी,रिजन ढकाल,सूर्य तामाङ,ललित राजवंशी, आकाश चन्द र अनील शाह छन्।