अबैध बाटो अमेरिका पुगेका आठ नेपालीलाई स्वदेश फिर्ता पठाइयो
काठमाडौं । अवैध बाटो प्रयोग गर्दै अमेरिका पुगेका आठ जना नेपालीलाई अमेरिकाले नेपालमै फिर्ता (डिपोर्ट) गरेको छ।
अमेरिकाले उनीहरूलाई चार्टर उडानबाट काठमाडौँ फिर्ता पठाएको नेपाल प्रहरीको मानव बेचबिखन अनुसन्धान ब्युरोका प्रवक्ता एवं प्रहरी उपरीक्षक ज्ञानेन्द्रप्रसाद फुयाँलले जानकारी दिए ।
‘अवैध बाटो प्रयोग गर्दै अमेरिका पुगेका आठ नेपालीलाई अमेरिकाले डिपोर्ट गरी बिहीबार काठमाडौँ फिर्ता पठाएको छ’, उनले भने,हिजो उनीहरू आफन्त कहाँ गएर बसेका थिए।
आज उनीहरूलाई हामीले सम्पर्कमा बोलाएका छौँ। उनीहरू के कसरी त्यहाँ गएका हुन् भन्ने विषयमा बुझनेछौँ ।रासस