कांग्रेस संसदीय दलको बैठक आज बस्दै
काठमाडौं। नेपाली कांग्रेसको संसदीय दलको बैठक आज बस्ने भएको छ। हिजो बस्ने भनिएको बैठक आज बिहान ८ बजेका लागि सारिएको थियो।
सहकारी ठगीमा संसदीय छानबिन समितिको माग गर्दै आएको कांग्रेसले हिजो प्रधानमन्त्री पुष्पकमल दाहाल प्रचण्डसँग छलफलका लागि बैठक स्थगित गरेको थियो।
तर सत्तारुढ तीन दलका शीर्ष नेताहरू नेपाली कांग्रेसले भनेजस्तो संसदीय समिति गठन गर्ने कुरा असम्भव रहेको निष्कर्षमा पुगेपछि कांग्रेसले आजको बैठकबाट थप रणनीति तय गर्ने भएको छ।
सहकारीको बचत अपचलनमा गृहमन्त्री लामिछानेको संलग्नता रहेको भन्दै छानबिनका निम्ति संसदीय समिति गठन नभए नीति तथा कार्यक्रम पेस गर्न नदिने तयारीमा कांग्रेस रहेको छ।