गृहमन्त्रीलाई हामीले बोल्न नदिएको होइन: नेता कोइराला
काठमाडौं। नेपाली कांग्रेसका नेता डा.शेखर कोइरालाले आफूहरुले उपप्रधान तथा गृहमन्त्री रवि लामिछानेको राजीनामा नमागेको बताएका छन्।
शनिबार पार्टीनिकट लोकतान्त्रिक वैदेशिक रोजगार व्यवसायी एशोसिएशनको साधारणसभामा बोल्दै उनले यस्तो दावी गरेका हुन्। नेता कोइरालाले आफूहरुले गृहमन्त्रीलाई सदनमा बोल्नै नदिएको भन्ने सत्यता नभएको समे बताए।
गृहमन्त्री रवि लामिछानेलाई हामीले बोल्न नदिएको होइन,बोल्नुस् भनेको हौँ’ उनले भने,तर, तपाईंले बोल्ने तपाईंको कुरामा चित्त बुझे हामी बस्छौं होइन भने तपाईंले बोलेको कुरामा खण्डन गर्छौँ भन्दा स्वीकार्य भएन। राजीनामा हामी भन्दैनौं,उहाँ सरकारमा नभएको भए त्यो पनि गृहमन्त्री नभएको भए केही पनि गर्दैनथ्यौं होला।
नेता कोइरालाले भने,अहिले जुन कुराको आरोप लागेको छ,त्यो कुरा होइन भनेर पुष्टि गरिदिनुपर्यो। त्यो कुरा पुष्टि गर्नको लागि उपप्रधान तथा गृहमन्त्री त भइरहनुहोस्,तर,गृहमन्त्रालयमा त बस्नु भएन नि। गृहमन्त्रालयमा बसेर सिआइबीले कसरी छानविन गर्छ ?
गृहमन्त्री लामिछानेले आफूमाथि लागेको आरोप होइन भन्ने पुष्टि गर्नकै लागि भएपनि समिति बनाउन तयार हुनुपर्ने नेता कोइरालाको भनाइ छ।