प्रहरी जवान घिमिरेको हत्या आशंकामा ५ जना पक्राउ
काठमाडौं। नेपाल प्रहरीका जवान युवराज घिमिरेको हत्या आशंकामा पाँच जना पक्राउ परेका छन् । काठमाडौं प्रहरीको विशेष टोलीले काठमाडौंका विभिन्न ठाउँबाट ५ जनालाई नियन्त्रणमा लिएको हो।
ट्राफिक प्रहरी प्रभाग, दरबारमार्गमा कार्यरत प्रहरी जवान घिमिरेको शव शुक्रबार हत्या गरिएको अवस्थामा मनमैजुमा भेटिएको थियो। उनी ‘डिउटी’ सकेर घर फर्किंदै गर्दा हत्या भएको थियो।
पक्राउ परेकाहरूमाथि थप अनुसन्धान भइरहेको प्रहरीले जनाएको छ। प्रहरीले आज प्रत्रकार सम्मेलन गरेर घटना सम्बन्धमा जानकारी दिने तयारी पनि गरेको छ।