काठमाडौंबाट ७२ लाखसहित दुईजना पक्राउ
काठमाडौं। काठमाडौं महानगरपालिका–७ स्थित एक गेस्टहाउसबाट ७२ लाख रुपैयाँसहित दुई जना पक्राउ परेका छन्।
काठमाडौं–७ को लुम्बिनी खाजा घर एण्ड गेष्ट हाउसबाट प्रहरीले भोजपुरको पौवा डुग्मा घर भई न्यूरोड बस्दै आएका ५० वर्षीय भीमसेन विश्वकर्मा र सोही ठाउँका २९ वर्षीय खेमराज विश्वकर्मालाई पक्राउ गरेको हो।
हुण्डी कारोबार भइरहेको भन्ने सूचनाका आधारमा खटिएको टोलीले उनीहरुलाई पक्राउ गरेको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले जानकारी दिए।