पोखरामा २४ जना सवार स्कुल बस दुर्घटना, एक जनाको मृत्यु
काठमाडौं । पोखरामा विद्यार्थी बोकेको स्कुल बस दुर्घटना भएको छ। मट्टिखानबाट विद्यार्थी बोकेर स्कुलतर्फ गइरहेको एलपी देवकोटा स्कुलको बस पोखरा महानगरपालिका–२१ कृस्तीमा दुर्घटना भएको हो।
बस घुम्तीबाट करिब ६० मिटर तल खस्दा एक जनाको मृत्यु भएको छ। कास्की प्रहरीका सूचना अधिकारी डीएसपी वसन्तकुमार शर्माका अनुसार ३३ वर्षीय आरती विकको ज्यान गएको हो। उनी विद्यालयकै कर्मचारी हुन्।
बसमा २२ जना विद्यार्थी र चालक–सहचालक गरेर २४ जना सवार थिए। घाइतेहरुको पश्चिमाञ्चल क्षेत्रीय अस्पताल र गण्डकी मेडिकल कलेजमा उपचार भइरहेको छ । साथै चालकलाई थप उपचारका लागि मणिपाल अस्पतालमा सिफ्ट गरिएको छ।